يا خيبة العرب ا ادخلوا باللة عليكم

نعم يا خيبة العرب خلينا أكلمكوا بالعامية احسن يعني طول عمرنا بندبح في بعض يا خيبة العرب
يا شماتة العدو بينا لما يتفرج علينا واحنا نازلين دبح وضرب في بعضينا وشتيمة وحرق أعلام بالله عليكم أسألكم سؤال حد فيكم عمل نص الي عملنا في بعضنا في أحداث غزة الأخيرة حد فينا حرق العلم الاسرائلي وداس عليه بعربيات حد فينا طلع بمطاوي وسنجات وكرابيج علي السفارة الاسرائلية طبعا اكيد انتو عرفتو انا بتكلم علي مين وكل ده علشان ايه علشان لعبة كورة يعني وارد فيها الخسارة وارد فيها الفوز والحمد لله انو مصر ما فازتش والا كان هيبقي فيه جسس وقتلي لم يتم الاستدلال علي ملامحها ده ربنا عافانا والله ليه كل ده علشان ايه حد عندو جواب كافي وشافي يشفي غليل تمنين مليون مصري يا خيبة العرب ويا شماتة اسرائيل وأمريكا فينا , وده كوووم والصمت من الحكومات كووم تاني صمت رهيب محدش عارف ليه وعلشان ايه بلاش اطول اكتر من كدا عليكو اكيد الاعلام كفي ووفي واولهم الجزيرة الي مسغلية الموقف اوى لصالحها ونازلة تجيب تاريخ العلاقات بين مصر والجزائر والحروب من سنة خمسين ليومنا هذا وكأنها عايزة تشعلل النار أكتر مش هقول غير حسبنا الله ونعم الوكيل وربنا ينتقم

الحوار مفتوح وياريت حد يرد ويقلي جواب شافي علي الى بيحصل ده لحسن انا هطق كلمة اخيرة بس
كفايانا بقي ذل ومهانا في بعضينا لانو الموضوع زاد عن حدو وبقت حاجة عييب اوى بقي الي احنا بنعملو في بعض احنا برضو مهما يكون هنفضل اخوة مسلمين
ياريت تعزروني لانفعالي ده بس والله العظيم حاجة تخزي وتكسف

التوقيع

[ندعوك للتسجيل في المنتدى أو التعريف بنفسك لمعاينة هذه الصورة]

لا كلام ولا تعليق لاانك اوضحت كل شىء

شكر لاابنتى قطر الندى

[ندعوك للتسجيل في المنتدى أو التعريف بنفسك لمعاينة هذا الرابط]